(مائرہ ارجمند) آج بدھ ہے اگست کی 03 تاریخ عیسوی سال 2022، محرم کی 04 اور قمری سال 1444 جبکہ 19 ساون اور دیسی کیلینڈر کا 2079 واں سال ہے۔
کشمیر، بالائی /وسطی پنجاب، خیبرپختونخوا،گلگت بلتستان، مشرقی اور جنوبی بلوچستان میں تیز ہواؤں اور گرج چمک کے ساتھ بارش کا امکان۔ ملک کے دیگر علاقوں میں موسم گرم اور مرطوب رہے گا۔
آلودگی کی بات کی جائے تو صورتحال بدتر ہے اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 160 ہے ۔
لاہور میں شاہدرہ کا علاقہ 189 اے کیو آئی کے ساتھ پہلے جبکہ گلشن معمار 183 اے کیو آئی کیساتھ دوسرا آلودہ ترین علاقہ ہے ۔ کوٹ لکھپت اور قائد اعظم انڈسٹریل اسٹیٹ کا علاقہ 181 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور کا آج آسمان صاف رہے گا۔ ہوا میں نمی کا تناسب 69 فیصد تک ہو چکا ہے ۔ آج زیادہ سے زیادہ درجہ حرارت 34 ڈگری سینٹی گریٖڈ اور کم سے کم 30 ڈگری رہنے کا امکان ہے۔
