شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج جمعہ ہے فروری کی 03 تاریخ عیسوی سال 2023، رجب کی 11 اور قمری سال 1444 جبکہ 21 ماگھ اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک جبکہ بالائی علا قوں میں مطلع ابر آلود رہے گا۔ اس دوران بالائی خیبر پختونخوا، کشمیر اور گلگت بلتستان میں چند مقا مات پر ہلکی بارش / ہلکی برفباری جبکہ خطہ پو ٹھو ہار میں ہلکی بارش/بو ندا با ندی کا امکان ہے۔پنجاب کے جنوبی علاقوں میں دھند پڑنے کا امکان ہے۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

ڈی ایچ اے فیز 8 آئیوی گرین کا علاقہ 460 اے کیو آئی کے ساتھ پہلے نمبر پر، آصف ٹاؤن کا علاقہ 422 اے کیو آئی کیساتھ دوسرا آلودہ ترین علاقہ ہے۔ شاہدرہ کا علاقہ 395 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں دوپہر کے بعد آسمان ابر آلود رہنے کا امکان ہے۔ ہوا میں نمی کا تناسب 56 فیصد تک ہو چکا ہے ۔ آج زیادہ سے زیادہ درجہ حرارت 23 سینٹی گریڈ اور کم سے کم 09 ڈگریڈ رہنے کا امکان ہے۔