شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں انیسویں نمبر پر

(اسیس علی) آج جمعہ ہے مارچ کی 03 تاریخ عیسوی سال 2023، شعبان کی 10 اور قمری سال 1444 جبکہ 19 پھگن اور دیسی کیلینڈر کا 2079 واں سال ہے۔

ملک کے بیشترعلا قوں میں موسم خشک رہے گا۔ تا ہم شمالی بلوچستان،کشمیراورگلگت بلتستان میں چند مقامات پر تیز ہواؤں اورگرج چمک کے ساتھ بارش کا امکان۔

آلودگی کی بات کی جائے تو حالات بہتر ہیں لیکن ہوا اب بھی غیر صحت بخش ہے اور آج لاہور دنیا بھر کے شہروں میں آلودگی کے اعتبار سے انیسویں نمبر پر ہے۔

گلبرگ 2 بلاک پی کا علاقہ 224 اے کیو آئی کے ساتھ پہلے نمبر پر، ڈی ایچ اے فیز 8 آئیوی گرین کا علاقہ 195 اے کیو آئی کیساتھ دوسرا آلودہ ترین علاقہ ہے۔ کینال بینک ہاؤسنگ سکیم کا علاقہ 192 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے کا امکان ہے۔ ہوا میں نمی کا تناسب 67 فیصد تک ہو چکا ہے ۔ آج زیادہ سے زیادہ درجہ حرارت 27 سینٹی گریڈ اور کم سے کم 14 ڈگریڈ رہنے کا امکان ہے۔