شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں آٹھویں نمبر پر

(اسیس علی) آج منگل ہے اپریل کی 04 تاریخ عیسوی سال 2023، رمضان کی 13 اور قمری سال 1444 جبکہ 22 چیت اور دیسی کیلینڈر کا 2080 واں سال ہے۔

ملک کے بیشتر میدانی علاقوں میں موسم خشک رہے گا۔تاہم بالائی خیبر پختونخوا ، خطہ پوٹھوہار، کشمیراورگلگت بلتستان میں تیز ہواؤں اورگرج چمک کے ساتھ بارش اور ژالہ باری کا امکان ۔ اس دوران چند مقامات پر موسلادھار بارش کا بھی امکان۔

آلودگی کی بات کی جائے تو حالات بہتر ہیں لیکن ہوا اب بھی حساس لوگوں کے لیے غیر صحت بخش ہے اور آج لاہور دنیا بھر کے شہروں میں آلودگی کے اعتبار سے آٹھویں نمبر پر ہے۔

ڈی ایچ اے فیز 8 کا علاقہ 211 اے کیو آئی کے ساتھ پہلے نمبر پر، کینٹ کا علاقہ 201 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 7 سیکٹر Q کا علاقہ 194 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف اور دھوپ رہنے کا امکان ہے۔ ہوا میں نمی کا تناسب 60 فیصد تک ہو چکا ہے ۔ آج زیادہ سے زیادہ درجہ حرارت 27 سینٹی گریڈ اور کم سے کم 15 ڈگریڈ رہنے کا امکان ہے۔