شہر لاہور کا موسم،آج کئی علاقوں میں وقفے وقفے سے بارش ہونے کا امکان، ہوائی آلودگی میں لاہور پہلے پر

(مائرہ ارجمند) آج جمعرات ہے اگست کی 04 تاریخ عیسوی سال 2022، محرم کی 05 اور قمری سال 1444 جبکہ 20 ساون اور دیسی کیلینڈر کا 2079 واں سال ہے۔

ملک کےبیشتر علاقوں میں موسم گرم اور مرطوب رہے گا۔تاہم کشمیر، بالائی پنجاب، بالائی خیبرپختونخوا،گلگت بلتستان اورشمال مشرقی بلوچستان میں چند مقامات پرتیز ہواؤں اور گرج چمک کے ساتھ بارش کا امکان۔

آلودگی کی بات کی جائے تو صورتحال بدتر ہے اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

لاہور کا مجموعی اے کیو آئی یعنی ائیر کوالٹی انڈیکس 160 ہے ۔

لاہور میں شاہدرہ کا علاقہ 236 اے کیو آئی کے ساتھ پہلے جبکہ پاک ارب اور گردونواح 179 اے کیو آئی کیساتھ دوسرا آلودہ ترین علاقہ ہے ۔ اپر مال کا علاقہ 170 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور کا آج کئی علاقوں میں وقفے وقفے سے بارش کا امکان ہے۔ ہوا میں نمی کا تناسب 70 فیصد تک ہو چکا ہے ۔ آج زیادہ سے زیادہ درجہ حرارت 33 ڈگری سینٹی گریٖڈ اور کم سے کم 28 ڈگری رہنے کا امکان ہے۔