شہر لاہور کا موسم، آسمان صاف اور موسم گرم رہنے کا امکان، فضائی آلودگی میں لاہور نویں نمبر پر

(مائرہ ارجمند) آج اتوار ہے ستمبر کی 04 تاریخ عیسوی سال 2022، سفر کی 08 اور قمری سال 1444 جبکہ 19 بھادوں اور دیسی کیلینڈر کا 2079 واں سال ہے۔

کشمیر، بالائی خیبرپختو نخوا، بالائی پنجاب اور گلگت بلتستان میں تیز ہواؤ ں ا ور گرج چمک کے ساتھ بارش جبکہ چند مقامات پر موسلادھار بارش کی توقع۔ ملک کے دیگرعلاقوں میں موسم گرم اور مرطوب رہے گا۔

آلودگی کی بات کی جائے تو حالات میں بہتری ہے اور آج لاہور دنیا بھر کے شہروں میں آلودگی کے اعتبار سے نویں نمبر پر ہے۔

ڈی ایچ اے فیز 8 کا علاقہ 161 اے کیو آئی کے ساتھ پہلے جبکہ جوہر ٹاؤن کا علاقہ 159 اے کیو آئی کیساتھ دوسرا آلودہ ترین علاقہ ہے ۔ کوٹ لکھپت اور قائد اعظم انڈسٹریل اسٹیٹ کا علاقہ 157 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف اور موسم گرم رہنے کا امکان ہے۔ ہوا میں نمی کا تناسب 72 فیصد تک ہو چکا ہے ۔ آج زیادہ سے زیادہ درجہ حرارت 36 سینٹی گریڈ اور کم سے کم 29 ڈگریڈ رہنے کا امکان ہے۔