شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں تیسرے نمبر پر

(اسیس علی) آج بدھ ہے اپریل کی 05 تاریخ عیسوی سال 2023، رمضان کی 14 اور قمری سال 1444 جبکہ 23 چیت اور دیسی کیلینڈر کا 2080 واں سال ہے۔

شمال مشرقی بلوچستان، وسطی اورجنوبی پنجاب، بالائی خیبرپختونخوا، گلگت بلتستان اور کشمیرمیں چند مقامات پر تیز ہواؤں اور گرج چمک کے ساتھ بارش کا امکان۔ ملک کے دیگرعلاقوں میں موسم خشک رہے گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔

کینال بینک ہاؤسنگ سکیم کا علاقہ 196 اے کیو آئی کے ساتھ پہلے نمبر پر، ڈی ایچ اے فیز 8 آئیوی گرین کا علاقہ 195 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 8 کا علاقہ 189 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں دن کے وقت آسمان جزوی طور پر ابر آلود اور دھوپ رہنے کا امکان اور رات کو آسمان ابر آلود رہنے کا امکان ہے۔ ہوا میں نمی کا تناسب 52 فیصد تک ہو چکا ہے ۔ آج زیادہ سے زیادہ درجہ حرارت 29 سینٹی گریڈ اور کم سے کم 16 ڈگریڈ رہنے کا امکان ہے۔