شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج پیر ہے دسمبر کی 05 تاریخ عیسوی سال 2022، جمادی الاول کی 10 اور قمری سال 1444 جبکہ 21 مگھر اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک رہے گا۔تا ہم گلگت بلتستان اور بالائی خیبر پختونخوا میں مطلع جزوی ابر آلود رہنے کی توقع۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

ڈی ایچ اے فیز 8 کا علاقہ 599 اے کیو آئی کے ساتھ پہلے جبکہ فدا حسین ہاؤس کا علاقہ 572 اے کیو آئی کیساتھ دوسرا آلودہ ترین علاقہ ہے۔ اپر مال کا علاقہ 537 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں 3 بجے تک آسمان ابر آلود رہے گا، بعد میں 5 بجے تک دھوپ اور پھر آسمان صاف رہنے کا امکان۔ ہوا میں نمی کا تناسب 59 فیصد تک ہو چکا ہے ۔ آج زیادہ سے زیادہ درجہ حرارت 23 سینٹی گریڈ اور کم سے کم 9 ڈگریڈ رہنے کا امکان ہے۔