شہر لاہور کا موسم، وقفے وقفے سے بارش کا امکان، فضائی آلودگی میں لاہور چوتھے نمبر پر

(مائرہ ارجمند) آج پیر ہے ستمبر کی 05 تاریخ عیسوی سال 2022، صفر کی 8 اور قمری سال 1444 جبکہ 21 بھادوں اور دیسی کیلینڈر کا 2079 واں سال ہے۔

بالائی خیبرپختو نخوا، کشمیر، بالائی پنجاب اور گلگت بلتستان میں تیز ہواؤں اور گرج چمک کے ساتھ بارش۔ اس دوران کشمیر اور بالائی خیبرپختو نخوا میں چند مقامات پر موسلادھار بارش کی توقع۔ ملک کے دیگرعلاقوں میں موسم گرم اور مرطوب رہے گا۔

آلودگی کی بات کی جائے تو حالات میں بدتر ہے اور آج لاہور دنیا بھر کے شہروں میں آلودگی کے اعتبار سے چوتھے نمبر پر ہے۔

اپر مال کا علاقہ 156 اے کیو آئی کے ساتھ پہلے جبکہ گلبرگ کی سید مراتب علی روڈ کا علاقہ 154 اے کیو آئی کیساتھ دوسرا آلودہ ترین علاقہ ہے ۔ انارکلی بازار کا علاقہ 151 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں وقفے وقفے سے بارش ہونے کا امکان ہے۔ ہوا میں نمی کا تناسب 74 فیصد تک ہو چکا ہے ۔ آج زیادہ سے زیادہ درجہ حرارت 34 سینٹی گریڈ اور کم سے کم 28 ڈگریڈ رہنے کا امکان ہے۔