شہر لاہور کا موسم، دوپہر کے بعد آسمان صاف رہنے کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج منگل ہے دسمبر کی 06 تاریخ عیسوی سال 2022، جمادی الاول کی 11 اور قمری سال 1444 جبکہ 22 مگھر اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک رہے گا۔ تاہم گلگت بلتستان میں چند مقامات پر ہلکی بارش /برف باری کی توقع۔پنجاب، خیبر پختونخوا اور بالائی سندھ میں رات اور صبح کے اوقات میں دھند پڑنےکی توقع۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

گلبرگ کی سید مراتب علی روڈ کا علاقہ 505 اے کیو آئی کے ساتھ پہلے جبکہ گلبرگ 2 بلاک پی کا علاقہ 495 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 5 سیکٹر بی کا علاقہ 487 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں دوپہر کے بعد آسمان صاف رہنے کا امکان۔ ہوا میں نمی کا تناسب 59 فیصد تک ہو چکا ہے ۔ آج زیادہ سے زیادہ درجہ حرارت 23 سینٹی گریڈ اور کم سے کم 10 ڈگریڈ رہنے کا امکان ہے۔