شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں پانچویں نمبر پر

(اسیس علی) آج پیر ہے فروری کی 06 تاریخ عیسوی سال 2023، رجب کی 14 اور قمری سال 1444 جبکہ 24 ماگھ اور دیسی کیلینڈر کا 2079 واں سال ہے۔

ملک کے بیشترمیدانی علاقوں میں موسم سرد اور خشک رہے گا ۔تا ہم بالائی خیبر پختونخوا ،گلگت بلتستان ، کشمیر اور ملحقہ پہاڑی علاقوں میں دن کے اوقات میں گرج چمک کے ساتھ بارش اور پہاڑوں برفباری کا امکان۔

آلودگی کی بات کی جائے تو حالات بہتر ہیں لیکن پھر بھی غیر صحت بخش ہیں اور آج لاہور دنیا بھر کے شہروں میں آلودگی کے اعتبار سے پانچویں نمبر پر ہے۔

ڈی ایچ اے فیز 8 کا علاقہ 298 اے کیو آئی کے ساتھ پہلے نمبر پر، ڈی ایچ اے فیز 8 آئیوی گرین کا علاقہ 253 اے کیو آئی کیساتھ دوسرا آلودہ ترین علاقہ ہے۔ گلبرگ III بلاک کے کا علاقہ 211 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں ایک بکے کے بعد آسمان صاف رہنے کا امکان ہے۔ ہوا میں نمی کا تناسب 66 فیصد تک ہو چکا ہے ۔ آج زیادہ سے زیادہ درجہ حرارت 23 سینٹی گریڈ اور کم سے کم 09 ڈگریڈ رہنے کا امکان ہے۔