شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں دوسرے نمبر پر

(اسیس علی) آج جمعہ ہے جنوری کی 06 تاریخ عیسوی سال 2023، جمادی الثانی کی 13 اور قمری سال 1444 جبکہ 23 پوہ اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک جبکہ بالائی علاقوں اور شمالی بلوچستان میں شدید سرد ر ہے گا۔ پنجاب ،خیبر پختونخوا کے میدانی علا قوں اوربالائی سندھ میں شدید دھند کا سلسلہ جاری رہے گا ۔ خطۂ پوٹھوہار میں صبح کے اوقات میں کہر پڑنے کا امکان ہے۔ تا ہم بالائی خیبر پختو نخوا، گلگت بلتستان اور کشمیر میں مطلع جزوی ابر آلود رہنے کے ساتھ ہلکی بارش اور برفباری کی توقع۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

گڑھی شاہو کا علاقہ 505 اے کیو آئی کے ساتھ پہلے نمبر پر، قائد اعظم انڈسٹریل اسٹیٹ کا علاقہ 408 اے کیو آئی کیساتھ دوسرا آلودہ ترین علاقہ ہے۔ آصف ٹاؤن کا علاقہ 402 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان۔ ہوا میں نمی کا تناسب 92 فیصد تک ہو چکا ہے ۔ آج زیادہ سے زیادہ درجہ حرارت 12 سینٹی گریڈ اور کم سے کم 04 ڈگریڈ رہنے کا امکان ہے۔