شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں چوتھے نمبر پر

(اسیس علی) آج پیر ہے مارچ کی 06 تاریخ عیسوی سال 2023، شعبان کی 13 اور قمری سال 1444 جبکہ 22 پھگن اور دیسی کیلینڈر کا 2079 واں سال ہے۔

ملک کے بیشترعلا قوں میں موسم خشک رہے گا۔ تا ہم کشمیراور ملحقہ علاقوں میں چند مقامات پر ہلکی بارش کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے چوتھے نمبر پر ہے۔

ڈی ایچ اے فیز 8 آئیوی گرین کا علاقہ 361 اے کیو آئی کے ساتھ پہلے نمبر پر، اپر مال کا علاقہ 324 اے کیو آئی کیساتھ دوسرا آلودہ ترین علاقہ ہے۔ آصف ٹاؤن کا علاقہ 316 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے کا امکان ہے۔ ہوا میں نمی کا تناسب 52 فیصد تک ہو چکا ہے ۔ آج زیادہ سے زیادہ درجہ حرارت 30 سینٹی گریڈ اور کم سے کم 14 ڈگریڈ رہنے کا امکان ہے۔