شہر لاہور کا موسم، آسمان ابر آلود کا امکان، فضائی آلودگی میں لاہور دنیا بھر میں چودھویں نمبر پر

(مائرہ ارجمند) آج اتور ہے نومبر کی 6 تاریخ عیسوی سال 2022، ربیع الثانی کی 10 اور قمری سال 1444 جبکہ 23 کاتک اور دیسی کیلینڈر کا 2079 واں سال ہے۔

خیبر پختو نخوا، گلگت بلتستان ، کشمیر ،اسلام آباد، بالائی وسطی پنجاب اور شمال مغر بی بلوچستان میں تیز ہواؤں اور گرج چمک کے ساتھ بارش جبکہ پہا ڑی علاقوں میں برفباری کا امکان۔اس دوران بالائی خیبر پختو نخوا، کشمیر اور گرد ونواح میں چند مقامات پر موسلادھار بارش کی توقع۔ خیبر پختو نخوا اوربالائی پنجاب میں چند مقامات پر ژالہ باری کا بھی امکان۔

آلودگی کی بات کی جائے تو حالات معتدل ہیں اور آج لاہور دنیا بھر کے شہروں میں آلودگی کے اعتبار سے چودھویں نمبر پر ہے۔

ڈی ایچ اے فیز 5 سیکٹر بی کا علاقہ 176 اے کیو آئی کے ساتھ پہلے جبکہ رائے ونڈ روڈ کا علاقہ 168 اے کیو آئی کیساتھ دوسرا آلودہ ترین علاقہ ہے۔ گلبرگ 3 کا علاقہ 168 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلو رہنے کا امکان۔ ہوا میں نمی کا تناسب 57 فیصد تک ہو چکا ہے ۔ آج زیادہ سے زیادہ درجہ حرارت 27 سینٹی گریڈ اور کم سے کم 23 ڈگریڈ رہنے کا امکان ہے۔