شہر لاہور کا موسم، بارش کا امکان، فضائی آلودگی میں لاہور پہلے نمبر پر

(مائرہ ارجمند) آج پیر ہے ستمبر کی 06 تاریخ عیسوی سال 2022، صفر کی 9 اور قمری سال 1444 جبکہ 22 بھادوں اور دیسی کیلینڈر کا 2079 واں سال ہے۔

کشمیر ، گلگت بلتستان، بالائی خیبرپختو نخوا، اسلام آباد اور بالائی/وسطی پنجاب میں تیز ہواؤ ں ا ور گرج چمک کے ساتھ مزید بارش۔ اس دوران کشمیر، خطہ پو ٹھو ہار اور بالائی خیبرپختو نخوا میں بعض مقامات پر موسلادھار بارش کی توقع۔ ملک کے دیگر علاقوں میں موسم گرم اور مرطوب رہے گا۔

آلودگی کی بات کی جائے تو حالات بدتر ہے اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

ڈی ایچ اے فیز 2 کا علاقہ 224 اے کیو آئی کے ساتھ پہلے جبکہ ڈی ایچ اے فیز 5 کے سیکٹر 2 کا علاقہ 214 اے کیو آئی کیساتھ دوسرا آلودہ ترین علاقہ ہے ۔ ڈی ایچ اے فیز 5 کے سیکٹر 1 کا علاقہ 210 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں بارش کا امکان ہے۔ ہوا میں نمی کا تناسب 64 فیصد تک ہو چکا ہے ۔ آج زیادہ سے زیادہ درجہ حرارت 33 سینٹی گریڈ اور کم سے کم 28 ڈگریڈ رہنے کا امکان ہے۔