شہر لاہور کا موسم، چار بجے تک آسمان ابر آلود رہنے کا امکان، فضائی آلودگی میں لاہور دنیا بھر میں ستائیسویں نمبر پر

(اسیس علی) آج منگل ہے فروری کی 07 تاریخ عیسوی سال 2023، رجب کی 15 اور قمری سال 1444 جبکہ 25 ماگھ اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک رہے گا۔

آلودگی کی بات کی جائے تو حالات بہتر ہیں لیکن پھر بھی حساس لوگوں کے لیے غیر صحت بخش ہے اور آج لاہور دنیا بھر کے شہروں میں آلودگی کے اعتبار سے ستائیسویں نمبر پر ہے۔

کینال بینک ہاؤسنگ سکیم کا علاقہ 208 اے کیو آئی کے ساتھ پہلے نمبر پر، برکی روڈ کا علاقہ 199 اے کیو آئی کیساتھ دوسرا آلودہ ترین علاقہ ہے۔ انارکلی بازار کا علاقہ 173 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں چار بکے کے بعد آسمان صاف رہنے کا امکان ہے۔ ہوا میں نمی کا تناسب 35 فیصد تک ہو چکا ہے ۔ آج زیادہ سے زیادہ درجہ حرارت 24 سینٹی گریڈ اور کم سے کم 08 ڈگریڈ رہنے کا امکان ہے۔