شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں دسویں نمبر پر

(مائرہ ارجمند) آج پیر ہے نومبر کی 7 تاریخ عیسوی سال 2022، ربیع الثانی کی 11 اور قمری سال 1444 جبکہ 24 کاتک اور دیسی کیلینڈر کا 2079 واں سال ہے۔

ملک کے بیشتر اضلاع میں مطلع جزوی ابر آلود رہنے کے ساتھ کشمیر، گلگت بلتستان ، بالائی خیبر پختو نخوا اور بلوچستان میں تیز ہواؤں اور گرج چمک کے ساتھ مزید بارش جبکہ پہا ڑی علاقوں میں برفباری کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دسویں نمبر پر ہے۔

ڈی ایچ اے فیز 8 کا علاقہ 181 اے کیو آئی کے ساتھ پہلے جبکہ اپر مال کا علاقہ 178 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 5 سیکٹر بی کا علاقہ 175 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان۔ ہوا میں نمی کا تناسب 56 فیصد تک ہو چکا ہے ۔ آج زیادہ سے زیادہ درجہ حرارت 26 سینٹی گریڈ اور کم سے کم 19 ڈگریڈ رہنے کا امکان ہے۔