شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں دوسرے نمبر پر

(مائرہ ارجمند) آج جمعہ ہے اکتوبر کی 7 تاریخ عیسوی سال 2022، ربیع الاول کی 10 اور قمری سال 1444 جبکہ 23 اسو اور دیسی کیلینڈر کا 2079 واں سال ہے۔

ملک کے بیشتر علاقوں میں موسم خشک جبکہ جنوبی علاقوں میں گرم رہے گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دنیا بھر میں دوسرے نمبر پر ہے۔

اپر مال کا علاقہ 260 اے کیو آئی کے ساتھ پہلے جبکہ شاہدرہ کا علاقہ 224 اے کیو آئی کیساتھ دوسرا آلودہ ترین علاقہ ہے ۔ انارکلی بازار کا علاقہ 218 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور کا آسمان ابر آلود رہنے کا امکان۔ ہوا میں نمی کا تناسب 70 فیصد تک ہو چکا ہے ۔ آج زیادہ سے زیادہ درجہ حرارت 33 سینٹی گریڈ اور کم سے کم 26 ڈگریڈ رہنے کا امکان ہے۔