(مائرہ ارجمند) آج بدھ ہے ستمبر کی 07 تاریخ عیسوی سال 2022، صفر کی 10 اور قمری سال 1444 جبکہ 23 بھادوں اور دیسی کیلینڈر کا 2079 واں سال ہے۔
ملک کے بیشتر علاقوں میں موسم گرم اور مرطوب رہے گا۔تاہم کشمیر ، گلگت بلتستان اور بالائی خیبرپختو نخوا کے بعض اضلاع میں گرج چمک کے ساتھ بارش ہو سکتی ہے۔
آلودگی کی بات کی جائے تو حالات بدتر ہے اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔
اپر مال کا علاقہ 220 اے کیو آئی کے ساتھ پہلے جبکہ انارکلی بازار کا علاقہ 207 اے کیو آئی کیساتھ دوسرا آلودہ ترین علاقہ ہے ۔ گلبرگ کی سید مراتب علی روڈ کا علاقہ 197 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں بارش کا امکان ہے۔ ہوا میں نمی کا تناسب 75 فیصد تک ہو چکا ہے ۔ آج زیادہ سے زیادہ درجہ حرارت 36 سینٹی گریڈ اور کم سے کم 28 ڈگریڈ رہنے کا امکان ہے۔
