شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج جمعرات ہے دسمبر کی 08 تاریخ عیسوی سال 2022، جمادی الاول کی 13 اور قمری سال 1444 جبکہ 24 مگھر اور دیسی کیلینڈر کا 2079 واں سال ہے۔

ملک کے بالائی علاقوں میں مطلع ابر آلود رہنے کے علاوہ بالائی خیبر پختو نخوا، گلگت بلتستان اور کشمیر میں چند مقامات پر بارش اور پہاڑوں پر برفباری کا امکان ہے۔ پنجاب، بالائی سندھ اور خیبر پختونخوا کے میدانی علاقوں میں رات اور صبح کے اوقات میں دھند پڑنےکی توقع۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

کینال بینک ہاؤسنگ سکیم کا علاقہ 537 اے کیو آئی کے ساتھ پہلے جبکہ گلبرگ 2 بلاک پی کا علاقہ 502 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 8 کا علاقہ 477 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان۔ ہوا میں نمی کا تناسب 81 فیصد تک ہو چکا ہے ۔ آج زیادہ سے زیادہ درجہ حرارت 23 سینٹی گریڈ اور کم سے کم 11 ڈگریڈ رہنے کا امکان ہے۔