شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں چودھویں نمبر پر

(اسیس علی) آج بدھ ہے مارچ کی 08 تاریخ عیسوی سال 2023، شعبان کی 15 اور قمری سال 1444 جبکہ 24 پھگن اور دیسی کیلینڈر کا 2079 واں سال ہے۔

ملک کے بیشترعلا قوں میں موسم خشک جبکہ میدانی علاقوں میں دن کے درجہ حرارت میں اضافے کا امکان۔

آلودگی کی بات کی جائے تو حالات بہتر ہیں لیکن ہوا اب بھی غیر صحت بخش ہے اور آج لاہور دنیا بھر کے شہروں میں آلودگی کے اعتبار سے چودھویں نمبر پر ہے۔

ڈی ایچ اے فیز 8 آئیوی گرین کا علاقہ 344 اے کیو آئی کے ساتھ پہلے نمبر پر، کینال بینک ہاؤسنگ سکیم کا علاقہ 214 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 7 کا علاقہ 192 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان 1 بجے تک جزوی طور پر ابر آلود اور بعد میں آسمان صاف اور دھوپ رہنے کا امکان ہے۔ ہوا میں نمی کا تناسب 39 فیصد تک ہو چکا ہے ۔ آج زیادہ سے زیادہ درجہ حرارت 31 سینٹی گریڈ اور کم سے کم 14 ڈگریڈ رہنے کا امکان ہے۔