شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں دوسرے نمبر پر

(مائرہ ارجمند) آج منگل ہے نومبر کی 8 تاریخ عیسوی سال 2022، ربیع الثانی کی 12 اور قمری سال 1444 جبکہ 25 کاتک اور دیسی کیلینڈر کا 2079 واں سال ہے۔

ملک کے بیشتر اضلاع میں مو سم خشک رہے گا۔ تا ہم گلگت بلتستان ، بالائی خیبر پختو نخوا اور بلوچستان میں تیز ہواؤں اور گرج چمک کے ساتھ چند مقامات پر بارش جبکہ پہا ڑی علاقوں میں برفباری کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

ڈی ایچ اے فیز 8 کا علاقہ 300 اے کیو آئی کے ساتھ پہلے جبکہ شاہدرہ کا علاقہ 211 اے کیو آئی کیساتھ دوسرا آلودہ ترین علاقہ ہے۔ گلبرگ 2 کا علاقہ 209 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان۔ ہوا میں نمی کا تناسب 55 فیصد تک ہو چکا ہے ۔ آج زیادہ سے زیادہ درجہ حرارت 27 سینٹی گریڈ اور کم سے کم 20 ڈگریڈ رہنے کا امکان ہے۔