شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں دوسرے نمبر پر

(اسیس علی) آج جمعرات ہے فروری کی 09 تاریخ عیسوی سال 2023، رجب کی 17 اور قمری سال 1444 جبکہ 27 ماگھ اور دیسی کیلینڈر کا 2079 واں سال ہے۔

شمالی بلوچستان ، گلگت بلتستان ،کشمیر، خیبر پختونخوا، اسلا م آباد، بالائی اوروسطی پنجاب میں مطلع ابر آلود رہنے کے علاوہ آندھی/جھکڑچلنے اور گرج چمک کے ساتھ بارش/ژالہ باری اور پہاڑوں پر برفباری کی توقع۔ اس دوران کشمیر، گلگت بلتستان ، بالا ئی خیبر پختونخوا ، مری اور گلیات میں چند مقامات پر درمیا نی سے شدید برفباری /بارش کی پیشینگو ئی۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

آصف ٹاؤن کا علاقہ 288 اے کیو آئی کے ساتھ پہلے نمبر پر، کوٹ لکھپت اور قائد اعظم انڈسٹریل اسٹیٹ کا علاقہ 280 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 8 کا علاقہ 251 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان ہے۔ ہوا میں نمی کا تناسب 77 فیصد تک ہو چکا ہے ۔ آج زیادہ سے زیادہ درجہ حرارت 22 سینٹی گریڈ اور کم سے کم 11 ڈگریڈ رہنے کا امکان ہے۔