شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں چوتھے نمبر پر

(اسیس علی) آج پیر ہے جنوری کی 09 تاریخ عیسوی سال 2023، جمادی الثانی کی 16 اور قمری سال 1444 جبکہ 26 پوہ اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اورخشک جبکہ بالائی اضلاع میں مطلع ابر آلود رہے گا ۔ تا ہم بالائی خیبر پختو نخوا، گلگت بلتستان اور کشمیر میں بارش اور برفباری کی توقع۔ جبکہ پنجاب،خیبر پختونخوا کے میدانی علا قوں اوربالائی سندھ میں دھند کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے چوتھے نمبر پر ہے۔

آصف ٹاؤن کا علاقہ 491 اے کیو آئی کے ساتھ پہلے نمبر پر، گلبرگ 2 بلاک پی کا علاقہ 441 اے کیو آئی کیساتھ دوسرا آلودہ ترین علاقہ ہے۔ سید مراتیب علی روڈ کا علاقہ 420 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان۔ ہوا میں نمی کا تناسب 90 فیصد تک ہو چکا ہے ۔ آج زیادہ سے زیادہ درجہ حرارت 17 سینٹی گریڈ اور کم سے کم 06 ڈگریڈ رہنے کا امکان ہے۔