شہر لاہور کا موسم، تیز بارش کا امکان، فضائی آلودگی میں لاہور دنیا بھر میں پہلے نمبر پر

(مائرہ ارجمند) آج بدھ ہے نومبر کی 9 تاریخ عیسوی سال 2022، ربیع الثانی کی 13 اور قمری سال 1444 جبکہ 26 کاتک اور دیسی کیلینڈر کا 2079 واں سال ہے۔

ملک کے بالائی اور مغربی اضلاع میں مطلع ابرآلود رہنے کے ساتھ اسلام آبا د،خیبر پختو نخوا، بالائی وسطی پنجاب، شمالی بلوچستان، گلگت بلتستان اور کشمیر میں تیز ہواؤں اور گرج چمک کے ساتھ چند مقامات پر بارش جبکہ پہا ڑی علاقوں میں برفباری کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

شاہدرہ کا علاقہ 452 اے کیو آئی کے ساتھ پہلے جبکہ وینس ہاؤسنگ سوسائٹی مین بلیوارڈ کا علاقہ 352 اے کیو آئی کیساتھ دوسرا آلودہ ترین علاقہ ہے۔ کوٹ لکھپت اور قائد اعظم انڈسٹریل اسٹیٹ کا علاقہ 349 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں تیز بارش کا امکان۔ ہوا میں نمی کا تناسب 56 فیصد تک ہو چکا ہے ۔ آج زیادہ سے زیادہ درجہ حرارت 25 سینٹی گریڈ اور کم سے کم 19 ڈگریڈ رہنے کا امکان ہے۔