شہر لاہور کا موسم،آج آسمان صاف اور موسم گرم رہے گا، ہوائی آلودگی میں لاہور تیسرے نمبر پر
(مائرہ ارجمند) آج بدھ ہے اگست کی 10 تاریخ عیسوی سال 2022، محرم کی 11 اور قمری سال 1444 جبکہ 26 ساون اور دیسی کیلینڈر کا 2079 واں سال ہے۔
ملک کےبیشتر علاقوں میں موسم مرطوب اور گرم رہے گا۔ تاہم سندھ، شمال مشر قی اورجنو بی بلو چستان ، خطہ پوٹھوہار،شمال مشر قی اور جنوبی پنجاب ، بالائی خیبرپختونخوا اور کشمیر میں تیز ہواؤں اور گرج چمک کے ساتھ بارش کا امکان۔ اس دوران زیر یں سندھ اور جنوبی بلوچستان میں چند مقامات پر مو سلا د ھار بارش کی توقع۔
آلودگی کی بات کی جائے تو خوشگوار نہیں ہے اور آج لاہور دنیا بھر کے شہروں میں آلودگی کے اعتبار سے تیسرے پر ہے۔
لاہور کا مجموعی اے کیو آئی یعنی ائیر کوالٹی انڈیکس 162 ہے ۔
لاہور میں گلبرگ 2 کا علاقہ 191 اے کیو آئی کے ساتھ پہلے جبکہ اپر مال 181 اے کیو آئی کیساتھ دوسرا آلودہ ترین علاقہ ہے ۔ گلبرگ کی سید مراتب علی روڈ کا علاقہ 173 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور آسمان صاف اور موسم گرم رہے گا۔ ہوا میں نمی کا تناسب 61 فیصد تک ہو چکا ہے ۔ آج زیادہ سے زیادہ درجہ حرارت 36 ڈگری سینٹی گریٖڈ اور کم سے کم 31 ڈگری رہنے کا امکان ہے۔
