شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں پانچویں نمبر پر

(اسیس علی) آج جمعہ ہے فروری کی 10 تاریخ عیسوی سال 2023، رجب کی 18 اور قمری سال 1444 جبکہ 28 ماگھ اور دیسی کیلینڈر کا 2079 واں سال ہے۔

گلگت بلتستان ،کشمیر، با لا ئی خیبر پختونخوا، اسلا م آباد اور بالائی پنجاب میں تیز ہواؤ ں اور گرج چمک کے ساتھ بارش اور پہاڑوں پر برفباری کی توقع۔ اس دوران کشمیر، گلگت بلتستان ، بالا ئی خیبر پختونخوا ، مری اور گلیات میں چند مقامات پر درمیا نی سے شدید برفباری /بارش کی تو قع۔ ملک کے دیگر علا قوں میں موسم سرد اور خشک رہے گا۔

آلودگی کی بات کی جائے تو حالات بہتر ہیں لیکن ہوا اب بھی غیر صحت بخش ہے اور آج لاہور دنیا بھر کے شہروں میں آلودگی کے اعتبار سے پانچویں نمبر پر ہے۔

آصف ٹاؤن کا علاقہ 224 اے کیو آئی کے ساتھ پہلے نمبر پر، اپر مال کا علاقہ 222 اے کیو آئی کیساتھ دوسرا آلودہ ترین علاقہ ہے۔ پنجاب سمال انڈسٹریز کوآپریٹو ہاؤسنگ سوسائٹی کا علاقہ 213 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان ہے۔ ہوا میں نمی کا تناسب 70 فیصد تک ہو چکا ہے ۔ آج زیادہ سے زیادہ درجہ حرارت 24 سینٹی گریڈ اور کم سے کم 10 ڈگریڈ رہنے کا امکان ہے۔