(مائرہ ارجمند) آج ہفتہ ہے ستمبر کی 10 تاریخ عیسوی سال 2022، صفر کی 13 اور قمری سال 1444 جبکہ 26 بھادوں اور دیسی کیلینڈر کا 2079 واں سال ہے۔
ملک کے بیشتر علاقوں میں موسم گرم اور مرطوب رہے گا۔تاہم با لائی پنجاب، اسلام آباد، گلگت بلتستان،بالائی خیبرپختو نخوا ،کشمیر اور جنوب مشرقی سندھ میں گرج چمک کے ساتھ بارش کا امکان ہے۔
آلودگی کی بات کی جائے تو حالات بدتر ہے اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔
شاہدرہ کا علاقہ 209 اے کیو آئی کے ساتھ پہلے جبکہ گلبرگ 2 اور گردونواح کا علاقہ 202 اے کیو آئی کیساتھ دوسرا آلودہ ترین علاقہ ہے ۔ گلبرگ کی سید مراتب علی روڈ کا علاقہ 197 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان ہے۔ ہوا میں نمی کا تناسب 78 فیصد تک ہو چکا ہے ۔ آج زیادہ سے زیادہ درجہ حرارت 34 سینٹی گریڈ اور کم سے کم 29 ڈگریڈ رہنے کا امکان ہے۔
