شہر لاہور کا موسم، بارش کا امکان، ہوائی آلودگی میں میں لاہور تیسرے نمبر پر

(مائرہ ارجمند) آج جمعرات ہے اگست کی 11 تاریخ عیسوی سال 2022، محرم کی 12 اور قمری سال 1444 جبکہ 27 ساون اور دیسی کیلینڈر کا 2079 واں سال ہے۔

جمعرات کے روز خیبرپختونخوا، کشمیر، پنجاب، سندھ، شمال مشرقی اورجنوبی بلوچستان اور گلگت بلتستان میں تیزہواؤں اور گرج چمک کے ساتھ بارش کا امکان۔ اس دوران خیبرپختونخوا ، بالائی پنجاب اور کشمیر میں کہیں کہیں جبکہ جنوبی بلوچستان میں چند مقامات پر مو سلادھار بارش کی توقع۔

آلودگی کی بات کی جائے تو خوشگوار نہیں ہے اور آج لاہور دنیا بھر کے شہروں میں آلودگی کے اعتبار سے تیسرے پر ہے۔

لاہور کا مجموعی اے کیو آئی یعنی ائیر کوالٹی انڈیکس 154 ہے ۔

لاہور میں کوٹ لکھپت اور قائد اعظم انڈسٹریل اسٹیٹ کا علاقہ 171 اے کیو آئی کے ساتھ پہلے جبکہ شاہدرہ 164 اے کیو آئی کیساتھ دوسرا آلودہ ترین علاقہ ہے ۔ ڈی ایچ اے فیز 5 کا علاقہ 160 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں وقفے وقفے سے بارش کا امکان۔ ہوا میں نمی کا تناسب 83 فیصد تک ہو چکا ہے ۔ آج زیادہ سے زیادہ درجہ حرارت 31 ڈگری سینٹی گریٖڈ اور کم سے کم 27 ڈگری رہنے کا امکان ہے۔