شہر لاہور کا موسم، دوپہر کے بعد آسمان صاف رہنے کا امکان، فضائی آلودگی میں لاہور دنیا بھر میں ساتویں نمبر پر

(اسیس علی) آج اتوار ہے دسمبر کی 11 تاریخ عیسوی سال 2022، جمادی الاول کی 16 اور قمری سال 1444 جبکہ 27 مگھر اور دیسی کیلینڈر کا 2079 واں سال ہے۔

ملک کے بیشترعلاقوں میں مطلع جزوی ابر آلود/موسم سرد رہے گا۔تا ہم بالائی خیبر پختو نخوا، گلگت بلتستان اور کشمیر میں چند مقامات پرہلکی بارش اور پہاڑوں پر ہلکی برفباری کا امکان ہے۔ پنجاب کے میدانی علاقوں اور بالائی سندھ میں صبح کے اوقات میں دھند پڑنےکی توقع۔

آلودگی کی بات کی جائے تو حالات برے ہیں اور آج لاہور دنیا بھر کے شہروں میں آلودگی کے اعتبار سے ساتویں نمبر پر ہے۔

ڈی ایچ اے فیز 8 کا علاقہ 313 اے کیو آئی کے ساتھ پہلے کینال بینک ہاؤسنگ سکیم کا علاقہ 269 اے کیو آئی کیساتھ دوسرا آلودہ ترین علاقہ ہے۔ جوہر ٹاؤن بلاک اے کا علاقہ 248 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں دوپہر کے بعد آسمان صاف رہنے کا امکان۔ ہوا میں نمی کا تناسب 59 فیصد تک ہو چکا ہے ۔ آج زیادہ سے زیادہ درجہ حرارت 24 سینٹی گریڈ اور کم سے کم 9 ڈگریڈ رہنے کا امکان ہے۔