شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں چھٹے نمبر پر

(اسیس علی) آج بدھ ہے جنوری کی 11 تاریخ عیسوی سال 2023، جمادی الثانی کی 18 اور قمری سال 1444 جبکہ 28 پوہ اور دیسی کیلینڈر کا 2079 واں سال ہے۔

اسلام آباد ، خطۂ پوٹھوہار، کشمیر ، گلگت بلتستان، خیبر پختو نخوا ، پنجاب اور شمالی/ مغربی بلوچستان میں بارش اور برفباری کا امکان۔ اس دوران مری، گلیات،کشمیر، گلگت بلتستان ، شمالی بلوچستان اوربالائی خیبر پختونخوا میں درمیانی سے شدید بارش/برفباری کا امکان۔پنجاب ،خیبر پختونخوا کے میدانی علا قوں اوربالائی سندھ میں دھند کی شدت میں کمی متوقع ۔

آلودگی کی بات کی جائے تو حالات برے ہیں اور آج لاہور دنیا بھر کے شہروں میں آلودگی کے اعتبار سے چھٹے نمبر پر ہے۔

آصف ٹاؤن کا علاقہ 391 اے کیو آئی کے ساتھ پہلے نمبر پر، قائد اعظم انڈسٹریل اسٹیٹ کا علاقہ 374 اے کیو آئی کیساتھ دوسرا آلودہ ترین علاقہ ہے۔ گلبرگ III کا علاقہ 280 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان۔ ہوا میں نمی کا تناسب 88 فیصد تک ہو چکا ہے ۔ آج زیادہ سے زیادہ درجہ حرارت 16 سینٹی گریڈ اور کم سے کم 08 ڈگریڈ رہنے کا امکان ہے۔