(مائرہ ارجمند) آج اتوار ہے ستمبر کی 11 تاریخ عیسوی سال 2022، صفر کی 14 اور قمری سال 1444 جبکہ 27 بھادوں اور دیسی کیلینڈر کا 2079 واں سال ہے۔
ملک کے بیشتر علاقوں میں موسم گرم اور مرطوب رہے گا۔تاہم با لائی پنجاب، اسلام آباد، گلگت بلتستان،بالائی خیبرپختو نخوا،کشمیراور زیریں سندھ میں گرج چمک کے ساتھ بارش کا امکان ہے۔
آلودگی کی بات کی جائے تو حالات بدتر ہے اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔
شاہدرہ کا علاقہ 181 اے کیو آئی کے ساتھ پہلے جبکہ ڈی ایچ اے فیز 5 کا علاقہ 175 اے کیو آئی کیساتھ دوسرا آلودہ ترین علاقہ ہے ۔ گلبرگ کی سید مراتب علی روڈ کا علاقہ 175 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں تیز بارش کا امکان ہے۔ ہوا میں نمی کا تناسب 75 فیصد تک ہو چکا ہے ۔ آج زیادہ سے زیادہ درجہ حرارت 33 سینٹی گریڈ اور کم سے کم 28 ڈگریڈ رہنے کا امکان ہے۔
