شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں نویں نمبر پر

(اسیس علی) آج بدھ ہے اپریل کی 12 تاریخ عیسوی سال 2023، رمضان کی 21 اور قمری سال 1444 جبکہ 30 چیت اور دیسی کیلینڈر کا 2080 واں سال ہے۔

ملک کے بیشترعلاقوں میں موسم خشک جبکہ وسطی /جنوبی علاقوں میں گرم رہے گا۔

آلودگی کی بات کی جائے تو حالات بہتر ہیں لیکن ہوا اب بھی غیر صحت بخش ہے اور آج لاہور دنیا بھر کے شہروں میں آلودگی کے اعتبار سے نویں نمبر پر ہے۔

شاہدرہ کا علاقہ 192 اے کیو آئی کے ساتھ پہلے نمبر پر، ڈی ایچ اے فیز 7 سیکٹر Q کا علاقہ 189 اے کیو آئی کیساتھ دوسرا آلودہ ترین علاقہ ہے۔ دلو خورد کا علاقہ 187 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف اور دھوپ رہنے کا امکان ہے۔ ہوا میں نمی کا تناسب 29 فیصد تک ہو چکا ہے ۔ آج زیادہ سے زیادہ درجہ حرارت 37 سینٹی گریڈ اور کم سے کم 21 ڈگریڈ رہنے کا امکان ہے۔