شہر لاہور کا موسم، دوپہر کے بعد آسمان صاف رہنے کا امکان، فضائی آلودگی میں لاہور دنیا بھر میں ساتویں نمبر پر
(اسیس علی) آج پیر ہے دسمبر کی 12 تاریخ عیسوی سال 2022، جمادی الاول کی 17 اور قمری سال 1444 جبکہ 28 مگھر اور دیسی کیلینڈر کا 2079 واں سال ہے۔
ملک کے بیشتر بالائی علاقوں میں مطلع ابر آلود رہے گا۔ تا ہم خطہ پوٹھوہار،بالائی خیبر پختو نخوا، شمالی بلوچستان، گلگت بلتستان اور کشمیر میں چند مقامات پرگرج چمک /بارش اور پہاڑوں پر برفباری کا امکان ہے۔پنجاب کے میدانی علاقوں اور بالائی سندھ میں صبح کے اوقات میں دھند پڑنےکی توقع۔
آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے چوتھے نمبر پر ہے۔
ڈی ایچ اے فیز 5 سیکٹر بی کا علاقہ 354 اے کیو آئی کے ساتھ پہلے ڈی ایچ اے فیز 2 سیکٹر آر کا علاقہ 293 اے کیو آئی کیساتھ دوسرا آلودہ ترین علاقہ ہے۔ علامہ اقبال ٹاؤن عمر بلاک کا علاقہ 290 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں دوپہر کے بعد آسمان صاف رہنے کا امکان۔ ہوا میں نمی کا تناسب 50 فیصد تک ہو چکا ہے ۔ آج زیادہ سے زیادہ درجہ حرارت 23 سینٹی گریڈ اور کم سے کم 9 ڈگریڈ رہنے کا امکان ہے۔
