شہر لاہور کا موسم، موسم صاف اور گرم رہنے کا امکان، ہوائی آلودگی میں کمی

(مائرہ ارجمند) آج ہفتہ ہے اگست کی 13 تاریخ عیسوی سال 2022، محرم کی 12 اور قمری سال 1444 جبکہ 29 ساون اور دیسی کیلینڈر کا 2079 واں سال ہے۔

ہفتہ کے روز سندھ، بلوچستان میں بیشترمقامات پر جبکہ جنوبی پنجاب، بالائی خیبرپختونخوا، کشمیراور گلگت بلتستان میں چند مقا مات پر تیزہواؤں اور گرج چمک کے ساتھ بارش کا امکان۔ اس دوران سندھ اوربلوچستان میں چند مقامات پرموسلادھار بارش بھی متوقع۔

آلودگی کی بات کی جائے تو حالات معتدل ہے اور آج لاہور دنیا بھر کے شہروں میں آلودگی کے اعتبار سے چوبیسویں نمبر پر ہے۔

لاہور کا مجموعی اے کیو آئی یعنی ائیر کوالٹی انڈیکس 76 ہے ۔

شاہدرہ کا علاقہ 186 اے کیو آئی کے ساتھ پہلے جبکہ ایف سی کالج روڈ کا علاقہ 151 اے کیو آئی کیساتھ دوسرا آلودہ ترین علاقہ ہے ۔ انارکلی بازار کا علاقہ 130 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور کا موسم صاف رہے گا۔ ہوا میں نمی کا تناسب 55 فیصد تک ہو چکا ہے ۔ آج زیادہ سے زیادہ درجہ حرارت 36 ڈگری سینٹی گریٖڈ اور کم سے کم 31 ڈگری رہنے کا امکان ہے۔