شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں دسویں نمبر پر

(اسیس علی) آج منگل ہے دسمبر کی 13 تاریخ عیسوی سال 2022، جمادی الاول کی 18 اور قمری سال 1444 جبکہ 29 مگھر اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک رہے گا ۔تا ہم بالائی خیبر پختو نخوااور گلگت بلتستان میں چند مقامات پر گرج چمک/ بارش اور پہاڑوں پر ہلکی برفباری کا امکان ہے۔پنجاب کے میدانی علاقوں اور بالائی سندھ میں صبح کے اوقات میں دھند پڑنےکی توقع۔

آلودگی کی بات کی جائے تو حالات برے ہیں اور آج لاہور دنیا بھر کے شہروں میں آلودگی کے اعتبار سے دسویں نمبر پر ہے۔

گلبرگ 2 بلاک پی کا علاقہ 313 اے کیو آئی کے ساتھ پہلے جوہر ٹاؤن بلاک اے کا علاقہ 250 اے کیو آئی کیساتھ دوسرا آلودہ ترین علاقہ ہے۔ کینال بینک ہاؤسنگ سکیم کا علاقہ 231 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان۔ ہوا میں نمی کا تناسب 52 فیصد تک ہو چکا ہے ۔ آج زیادہ سے زیادہ درجہ حرارت 24 سینٹی گریڈ اور کم سے کم 8 ڈگریڈ رہنے کا امکان ہے۔