شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں چھٹے نمبر پر

(اسیس علی) آج جمعہ ہے جنوری کی 13 تاریخ عیسوی سال 2023، جمادی الثانی کی 20 اور قمری سال 1444 جبکہ 30 پوہ اور دیسی کیلینڈر کا 2079 واں سال ہے۔

ملک کے بیشتر میدانی علاقوں میں موسم سرد اور خشک رہے گا۔تا ہم شمال مشرقی پنجاب ، بالائی خیبر پختونخوا،کشمیر اور گلگت بلتستان میں بارش متو قع ۔ پنجاب کے میدانی علا قوں اوربالائی سندھ میں دھند۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے چھٹے نمبر پر ہے۔

کینٹ کا علاقہ 388 اے کیو آئی کے ساتھ پہلے نمبر پر، ڈان بریڈ کوٹ لکھپت اور قائداعظم انڈسٹریل اسٹیٹ کا علاقہ 362 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 8 کا علاقہ 341 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے اور رات کے وقت ہلکی بارش کا امکان۔ ہوا میں نمی کا تناسب 91 فیصد تک ہو چکا ہے ۔ آج زیادہ سے زیادہ درجہ حرارت 16 سینٹی گریڈ اور کم سے کم 04 ڈگریڈ رہنے کا امکان ہے۔