شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں دوسرے نمبر پر

(اسیس علی) آج پیر ہے مارچ کی 13 تاریخ عیسوی سال 2023، شعبان کی 20 اور قمری سال 1444 جبکہ 29 پھگن اور دیسی کیلینڈر کا 2079 واں سال ہے۔

ملک کے بیشترعلا قوں میں موسم خشک جبکہ میدانی علاقوں میں دن کے دوران گرم رہے گا۔تاہم بالائی خیبر پختونخوا اور کشمیر میں چند مقامات پر گرج چمک کے ساتھ بارش کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دوسرے نمبر پر ہے۔

ڈی ایچ اے فیز 8 آئیوی گرین کا علاقہ 337 اے کیو آئی کے ساتھ پہلے نمبر پر، آصف ٹاؤن کا علاقہ 319 اے کیو آئی کیساتھ دوسرا آلودہ ترین علاقہ ہے۔ اپر مال کا علاقہ 294 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے کا امکان ہے۔ ہوا میں نمی کا تناسب 58 فیصد تک ہو چکا ہے ۔ آج زیادہ سے زیادہ درجہ حرارت 31 سینٹی گریڈ اور کم سے کم 17 ڈگریڈ رہنے کا امکان ہے۔