(مائرہ ارجمند) آج منگل ہے ستمبر کی 13 تاریخ عیسوی سال 2022، صفر کی 16 اور قمری سال 1444 جبکہ 29 بھادوں اور دیسی کیلینڈر کا 2079 واں سال ہے۔
ملک کے بیشتر میدانی علاقوں میں موسم گرم اور خشک رہے گا۔تا ہم بالائی خیبرپختو نخوا ، شمالی پنجاب،جنوب مشرقی سندھ ، کشمیر اورگلگت بلتستان میں تیز ہواؤں اور گرج چمک کے ساتھ بارش کا امکان۔
آلودگی کی بات کی جائے تو حالات بدتر ہے اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔
ماڈل ٹاؤن بلاک کا علاقہ 325 اے کیو آئی کے ساتھ پہلے جبکہ گلبرگ کی سید مراتب علی روڈ کا علاقہ 313 اے کیو آئی کیساتھ دوسرا آلودہ ترین علاقہ ہے ۔ کوٹ لکھپت اور قائد اعظم انڈسٹریل اسٹیٹ کا علاقہ 295 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان ہے۔ ہوا میں نمی کا تناسب 65 فیصد تک ہو چکا ہے ۔ آج زیادہ سے زیادہ درجہ حرارت 35 سینٹی گریڈ اور کم سے کم 29 ڈگریڈ رہنے کا امکان ہے۔
