(مائرہ ارجمند) آج اتوار ہے اگست کی 14 تاریخ عیسوی سال 2022، محرم کی 13 اور قمری سال 1444 جبکہ 30 ساون اور دیسی کیلینڈر کا 2079 واں سال ہے۔
سندھ،بلوچستان ،پنجاب، کشمیر اورخیبرپختونخوا میں بیشتر مقا مات پر جبکہ گلگت بلتستان میں چند مقا مات پر تیزہواؤں اور گرج چمک کے ساتھ بارش کا امکان۔ اس دوران ز یر یں سندھ اور شمال مشر قی بلوچستان میں کہیں کہیں موسلادھار بارش بھی متوقع۔
آلودگی کی بات کی جائے تو حالات معتدل ہے اور آج لاہور دنیا بھر کے شہروں میں آلودگی کے اعتبار سے گیارہویں نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 102 ہے ۔
شاہدرہ کا علاقہ 194 اے کیو آئی کے ساتھ پہلے جبکہ کوٹ لکھپت اور قائد اعظم انڈسٹریل اسٹیٹ کا علاقہ 163 اے کیو آئی کیساتھ دوسرا آلودہ ترین علاقہ ہے ۔ ویلنشیا کا علاقہ 156 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور کا موسم صاف رہے گا۔ ہوا میں نمی کا تناسب 74 فیصد تک ہو چکا ہے ۔ آج زیادہ سے زیادہ درجہ حرارت 34 ڈگری سینٹی گریٖڈ اور کم سے کم 32 ڈگری رہنے کا امکان ہے۔
