شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں پانچویں نمبر پر
(اسیس علی) آج ہفتہ ہے جنوری کی 14 تاریخ عیسوی سال 2023، جمادی الثانی کی 21 اور قمری سال 1444 جبکہ 01 ماگھ اور دیسی کیلینڈر کا 2079 واں سال ہے۔
ملک کے بیشتر علاقوں میں موسم سرد اور خشک رہے گا۔تا ہم کشمیر، گلگت بلتستان، بالائی خیبر پختونخوا ، شمالی بلوچستان اور خطہ پو ٹھو ہارمیں شدید سرد رہے گا ۔ پنجاب ،خیبر پختونخوا کے میدانی علا قوں اوربالائی سندھ میں شدید دھند کا امکان ۔اس دوران خطہ پو ٹھو ہار اور کشمیر میں چند مقامات پر کہرُ پڑ نے کا امکان۔
آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پانچویں نمبر پر ہے۔
آصف ٹاؤن کا علاقہ 324 اے کیو آئی کے ساتھ پہلے نمبر پر، گلبرگ III کا علاقہ 293 اے کیو آئی کیساتھ دوسرا آلودہ ترین علاقہ ہے۔ ڈی ایچ اے فیز 8 کا علاقہ 219 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان۔ ہوا میں نمی کا تناسب 60 فیصد تک ہو چکا ہے ۔ آج زیادہ سے زیادہ درجہ حرارت 15 سینٹی گریڈ اور کم سے کم 02 ڈگریڈ رہنے کا امکان ہے۔
