شہر لاہور کا موسم، صاف رہنے کا امکان، فضائی آلودگی میں لاہور دنیا بھر میں ساتویں نمبر پر

(اسیس علی) آج منگل ہے مارچ کی 14 تاریخ عیسوی سال 2023، شعبان کی 21 اور قمری سال 1444 جبکہ 30 پھگن اور دیسی کیلینڈر کا 2079 واں سال ہے۔

ملک کے بیشترعلا قوں میں موسم خشک جبکہ میدانی علاقوں میں دن کے دوران گرم رہے گا۔

آلودگی کی بات کی جائے تو حالات بہتر ہیں لیکن ہوا اب بھی غیر صحت بخش ہے اور آج لاہور دنیا بھر کے شہروں میں آلودگی کے اعتبار سے ساتویں نمبر پر ہے۔

ڈی ایچ اے فیز 8 آئیوی گرین کا علاقہ 243 اے کیو آئی کے ساتھ پہلے نمبر پر، ڈی ایچ اے فیز 8 کا علاقہ 191 اے کیو آئی کیساتھ دوسرا آلودہ ترین علاقہ ہے۔ وینس ہاؤسنگ سوسائٹی کا علاقہ 188 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف اور دھوپ رہنے کا امکان ہے۔ ہوا میں نمی کا تناسب 49 فیصد تک ہو چکا ہے ۔ آج زیادہ سے زیادہ درجہ حرارت 33 سینٹی گریڈ اور کم سے کم 17 ڈگریڈ رہنے کا امکان ہے۔