شہر لاہور کا موسم، دوپہر تک بارش رہنے کا امکان، فضائی آلودگی میں لاہور دنیا بھر میں چودھویں نمبر پر

(مائرہ ارجمند) آج پیر ہے نومبر کی 14 تاریخ عیسوی سال 2022، ربیع الثانی کی 18 اور قمری سال 1444 جبکہ 31 کاتک اور دیسی کیلینڈر کا 2079 واں سال ہے۔

خیبر پختونخوا ، اسلام آباد، شمال مشرقی و جنوبی پنجاب ،گلگت بلتستان اور کشمیر میں تیزہواؤں اور گرج چمک کے ساتھ بارش اور پہاڑوں پر برفباری کا امکان ہے۔ملک کے دیگرعلاقوں میں موسم خشک رہے گا۔

آلودگی کی بات کی جائے تو حالات برے ہیں اور آج لاہور دنیا بھر کے شہروں میں آلودگی کے اعتبار سے چودھویں نمبر پر ہے۔

گڑھی شاہو کا علاقہ 264 اے کیو آئی کے ساتھ پہلے جبکہ ڈی ایچ اے فیز 8 کا علاقہ 236 اے کیو آئی کیساتھ دوسرا آلودہ ترین علاقہ ہے۔ جوہر ٹاؤن بلاک اے کا علاقہ 173 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں دوپہر تک بارش رہنے کا امکان کا امکان اور بعد میں آسمان ابر آلود رہنے کا امکان۔ ہوا میں نمی کا تناسب 70 فیصد تک ہو چکا ہے ۔ آج زیادہ سے زیادہ درجہ حرارت 22 سینٹی گریڈ اور کم سے کم 17 ڈگریڈ رہنے کا امکان ہے۔