شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں دسویں نمبر پر

(اسیس علی) آج ہفتہ ہے اپریل کی 15 تاریخ عیسوی سال 2023، رمضان کی 24 اور قمری سال 1444 جبکہ 02 ویساکھ اور دیسی کیلینڈر کا 2080 واں سال ہے۔

ملک کے بیشترعلاقوں میں موسم خشک جبکہ وسطی /جنوبی علاقوں میں گرم رہنے کے علاوہ گردآلودہوائیں اورجھکڑ چلنے کا امکان۔تاہم (شام/رات) کے اوقات میں ملک کے مغربی /بالائی علاقوں مطلع جزوی ابرآلود رہے گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے دسویں نمبر پر ہے۔

شاہدرہ کا علاقہ 256 اے کیو آئی کے ساتھ پہلے نمبر پر، کینٹ کا علاقہ 176 اے کیو آئی کیساتھ دوسرا آلودہ ترین علاقہ ہے۔ دلو خورد کا علاقہ 173 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف اور دھوپ رہنے کا امکان ہے۔ ہوا میں نمی کا تناسب 32 فیصد تک ہو چکا ہے ۔ آج زیادہ سے زیادہ درجہ حرارت 39 سینٹی گریڈ اور کم سے کم 23 ڈگریڈ رہنے کا امکان ہے۔