شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج بدھ ہے فروری کی 15 تاریخ عیسوی سال 2023، رجب کی 23 اور قمری سال 1444 جبکہ 03 پھگن اور دیسی کیلینڈر کا 2079 واں سال ہے۔

ملک کے بیشتر علا قوں میں موسم سرد اور خشک رہے گا۔جبکہ بالائی خیبر پختونخوا اور گلگت بلتستان میں ہلکی بارش اور ہلکی برفباری کی توقع۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

ڈی ایچ اے فیز 8 کا علاقہ 468 اے کیو آئی کے ساتھ پہلے نمبر پر، ڈی ایچ اے فیز 8 آئیوی گرین کا علاقہ 403 اے کیو آئی کیساتھ دوسرا آلودہ ترین علاقہ ہے۔ کینٹ کا علاقہ 387 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان ہے۔ ہوا میں نمی کا تناسب 37 فیصد تک ہو چکا ہے ۔ آج زیادہ سے زیادہ درجہ حرارت 28 سینٹی گریڈ اور کم سے کم 12 ڈگریڈ رہنے کا امکان ہے۔