شہر لاہور کا موسم، ابر آلود رہنے کا امکان، فضائی آلودگی میں لاہور دنیا بھر میں پہلے نمبر پر

(اسیس علی) آج بدھ ہے مارچ کی 15 تاریخ عیسوی سال 2023، شعبان کی 22 اور قمری سال 1444 جبکہ 02 چیت اور دیسی کیلینڈر کا 2080 واں سال ہے۔

ملک کے بیشترعلا قوں میں موسم خشک جبکہ میدانی علاقوں میں دن کے دوران گرم رہے گا۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے پہلے نمبر پر ہے۔

کینٹ کا علاقہ 291 اے کیو آئی کے ساتھ پہلے نمبر پر، گلبرگ 2 بلاک پی کا علاقہ 263 اے کیو آئی کیساتھ دوسرا آلودہ ترین علاقہ ہے۔ سید مراتیب علی روڈ کا علاقہ 261 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان جزوی طور پر ابر آلود رہنے کا امکان ہے۔ ہوا میں نمی کا تناسب 62 فیصد تک ہو چکا ہے ۔ آج زیادہ سے زیادہ درجہ حرارت 32 سینٹی گریڈ اور کم سے کم 18 ڈگریڈ رہنے کا امکان ہے۔