شہر لاہور کا موسم، آسمان ابر آلود رہنے کا امکان، فضائی آلودگی میں لاہور دنیا بھر میں تیسرے نمبر پر

(مائرہ ارجمند) آج منگل ہے نومبر کی 15 تاریخ عیسوی سال 2022، ربیع الثانی کی 19 اور قمری سال 1444 جبکہ 1 مگھر اور دیسی کیلینڈر کا 2079 واں سال ہے۔

ملک کے بیشتر علاقوں میں موسم سرد اور خشک رہے گا۔ جبکہ پنجاب کے بعض میدانی علاقوں میں صبح کے اوقات میں دھندپڑنے کا امکان۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔

واپڈا ٹاؤن بلاک ای 1 کا علاقہ 241 اے کیو آئی کے ساتھ پہلے جبکہ ڈی ایچ اے فیز 8 کا علاقہ 236 اے کیو آئی کیساتھ دوسرا آلودہ ترین علاقہ ہے۔ شاہدرہ کا علاقہ 234 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان ابر آلود رہنے کا امکان۔ ہوا میں نمی کا تناسب 70 فیصد تک ہو چکا ہے ۔ آج زیادہ سے زیادہ درجہ حرارت 24 سینٹی گریڈ اور کم سے کم 16 ڈگریڈ رہنے کا امکان ہے۔