شہر لاہور کا موسم، شام تک بارش رہنے کا امکان، فضائی آلودگی میں لاہور دنیا بھر میں چودھویں نمبر پر

(اسیس علی) آج بدھ ہے اپریل کی 19 تاریخ عیسوی سال 2023، رمضان کی 28 اور قمری سال 1444 جبکہ 06 ویساکھ اور دیسی کیلینڈر کا 2080 واں سال ہے۔

خیبرپختونخوا، کشمیر ، گلگت بلتستان، اسلام آباد اور با لا ئی / وسطی پنجاب میں تیز ہواؤں اور گرج چمک کے ساتھ بارش کا امکان ہے۔ اس دوران بالائی خیبرپختونخوا ، کشمیر اورگلگت بلتستان میں ژالہ باری/ مو سلا دھار بارش کی بھی توقع۔

آلودگی کی بات کی جائے تو حالات بہتر ہیں لیکن ہوا اب بھی حساس لوگوں کے لیے غیر صحت بخش ہے اور آج لاہور دنیا بھر کے شہروں میں آلودگی کے اعتبار سے چودھویں نمبر پر ہے۔

اپر مال سکیم کا علاقہ 179 اے کیو آئی کے ساتھ پہلے نمبر پر، سید مراتیب علی روڈ کا علاقہ 176 اے کیو آئی کیساتھ دوسرا آلودہ ترین علاقہ ہے۔ گلبرگ 2 بلاک پی کا علاقہ 175 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں شام تک تیز بارش اور رات کے وقت آسمان ابر آلود رہنے کا امکان ہے۔ ہوا میں نمی کا تناسب 56 فیصد تک ہو چکا ہے ۔ آج زیادہ سے زیادہ درجہ حرارت 28 سینٹی گریڈ اور کم سے کم 19 ڈگریڈ رہنے کا امکان ہے۔