(مائرہ ارجمند) آج منگل ہے اگست کی 16 تاریخ عیسوی سال 2022، محرم کی 18 اور قمری سال 1444 جبکہ 32 ساون اور دیسی کیلینڈر کا 2079 واں سال ہے۔
منگل کے روز سندھ،بلوچستان،پنجاب، خیبرپختونخوا، کشمیر اور گلگت بلتستان میں تیزہواؤں اور گرج چمک کے ساتھ بارش کا امکان۔ اس دوران زیریں سندھ، مشرقی بلوچستان، خیبر پختو نخوا اور جنوبی پنجاب میں کہیں کہیں موسلادھار بارش کی توقع۔
آلودگی کی بات کی جائے تو حالات معتدل ہے اور آج لاہور دنیا بھر کے شہروں میں آلودگی کے اعتبار سے ساتویں نمبر پر ہے۔
لاہور کا مجموعی اے کیو آئی یعنی ائیر کوالٹی انڈیکس 100 ہے ۔
پاک عرب ہاؤسنگ سکیم اور گردونواح کا علاقہ 154 اے کیو آئی کے ساتھ پہلے جبکہ ڈی ایچ اے فیز 6 کا علاقہ 154 اے کیو آئی کیساتھ دوسرا آلودہ ترین علاقہ ہے ۔ جوہر ٹاؤن کا علاقہ 152 اے کیو آئی کیساتھ تیسرے نمبر پر ہے۔
محکمہ موسمیات کے مطابق آنے والے 24 گھنٹوں کے دوران لاہور آسمان ابر آلود رہے گا۔ ہوا میں نمی کا تناسب 66 فیصد تک ہو چکا ہے ۔ آج زیادہ سے زیادہ درجہ حرارت 32 سینٹی گریڈ اور کم سے کم 29 ڈگریڈ رہنے کا امکان ہے۔
