شہر لاہور کا موسم، آسمان صاف رہنے کا امکان، فضائی آلودگی میں لاہور دنیا بھر میں تیسرے نمبر پر

(اسیس علی) آج جمعہ ہے دسمبر کی 16 تاریخ عیسوی سال 2022، جمادی الاول کی 21 اور قمری سال 1444 جبکہ 02 پوہ اور دیسی کیلینڈر کا 2079 واں سال ہے۔

ملک کے بیشترعلاقوں میں موسم سرد اور خشک جبکہ پنجاب کے میدانی علاقوں اور بالائی سندھ میں رات اورصبح کے اوقات میں دھند پڑنےکی توقع۔ خطۂ پوٹھوہار میں صبح کے اوقات میں چند مقامات پر کہر پڑنے کا امکان ۔

آلودگی کی بات کی جائے تو حالات بدتر ہیں اور آج لاہور دنیا بھر کے شہروں میں آلودگی کے اعتبار سے تیسرے نمبر پر ہے۔

کینال بینک ہاؤسنگ سکیم کا علاقہ 319 اے کیو آئی کے ساتھ پہلے گلبرگ 2 بلاک پی کا علاقہ 313 اے کیو آئی کیساتھ دوسرا آلودہ ترین علاقہ ہے۔ گڑھی شاہو کا علاقہ 293 اے کیو آئی کیساتھ تیسرے نمبر پر ہے۔

محکمہ موسمیات کے مطابق آنے والے 24 گھنٹوں کے دوران لاہور میں آسمان صاف رہنے کا امکان۔ ہوا میں نمی کا تناسب 62 فیصد تک ہو چکا ہے ۔ آج زیادہ سے زیادہ درجہ حرارت 22 سینٹی گریڈ اور کم سے کم 8 ڈگریڈ رہنے کا امکان ہے۔